Pas një periudhe të gjatë lidhjeje dhe stabiliteti publik, Princ Leka dhe Blerta Celibashi po përgatiten të hedhin hapin më të rëndësishëm në historinë e tyre të dashurisë: martesën.

Burime për Vip Magazine bëjnë me dije se çifti ka nisur tashmë përgatitjet për ceremoninë, ndërsa data e kurorëzimit pritet të jetë shumë pranë.

Vitin e kaluar, dyshja festuan fejesën në një ambient intim në jug të vendit, në prani të familjarëve dhe miqve të ngushtë, një ngjarje që u pasqyrua gjerësisht nga mediat shqiptare dhe ndërkombëtare.

Që nga publikimi i lidhjes, Princ Leka dhe Blerta janë shfaqur shpesh së bashku në evente publike, duke treguar një raport të konsoliduar dhe një prani elegante, por diskrete.

Detajet e ceremonisë mbeten të rezervuara, por pritshmëritë për këtë ngjarje të veçantë janë të larta, ndërsa çifti pritet të kurorëzojë dashurinë e tyre dhe të hapë një kapitull të ri në jetën personale.