Tiranë – Ish-Presidenti i Republikës, Alfred Moisiu, është dërguar me urgjencë mesditën e djeshme në Qendrën Spitalore Universitare “Nënë Tereza” (QSUT) pas komplikacioneve shëndetësore që shfaqi.
Burimet mjekësore bëjnë të ditur se zoti Moisiu paraqiti vështirësi në frymëmarrje dhe menjëherë u shtrua në repartin e Reanimacionit pranë Klinikës së Kardiologjisë, ku ndodhet nën monitorim intensiv.
Sipas informacioneve nga stafi i spitalit, “I gjithë stafi i shërbimit të Kardiologjisë është në gatishmëri për të mbajtur nën kontroll gjendjen e ish-Presidentit”. Për momentin, parametrat jetësorë janë stabël, ndërsa mjekët po vlerësojnë situatën në dinamikë për të përcaktuar momentin e përshtatshëm për të kryer një ndërhyrje të nevojshme.
Situata po ndiqet nga afër nga stafi mjekësor dhe autoritetet shëndetësore, ndërsa qytetarët presin përditësime mbi gjendjen e ish-kreut të shtetit.
