Rama tha se sistemi i kadastrës funksionon, por se nuk i futesh dot mik. Sipas tij, ata që nuk mund të marrin shërbimin nuk dinë të aplikojnë.

Ai theksoi se noterët duhet ta mësojnë që s’mund të kalojnë nga asnjë rrugë tjetër përveç sistemit dhe se ata që janë brenda do ndahen natyrshëm shapi me sheqerin.

Rama u shpreh se dorëheqjet vazhdojnë dhe se i mjafton kjo gjë për të kuptuar se funksionon.

“Sa i përket Kadastrës, kjo është një tabelë e të dhënave të Kadastrës. Me blu aplikimet hyrëse, me portokalli përgjigjet. As nuk diskutohet që sistemi funksionon, nxjerr në kohë të dhëna, por jemi në fazën kur sistemi duhet nga njëra anë të mësohet nga ata që e përdorin dhe nga ana tjetër duhet të kapërcejë presionin negativ të atyre që kanë humbur pushtetin mbi Kadastrën, noterë, sekserë, buburreca brenda në Kadastër nuk kanë më pushtet mbi fatin e aplikimit të qytetarëve në Kadastër. Nga analizat e bëra, po ju jap vetëm një fakt që flet shumë, që 30% e aplikimeve të noterëve dhe noterët janë persona që nuk është se prekin kompjuterë për herë të parë, 30% bëjnë gabim. Sistemi ka një të keqe të madhe që nuk i futesh dot mik. O ta pranon, o nuk ta pranon. Nuk i futesh dot mik sistemit”, tha Rama.