Në mbledhjen e sotme të Këshillit Bashkiak Vlorë për diskutimin e Projekt-Buxhetit 2025, debati u përqendrua te investimet milionëshe për kopshtet dhe çerdhet.

Këshilltari Gjergji Nika kritikoi transparencën dhe mënyrën e rialokimit të fondeve, duke vënë në dukje mungesën e qartësisë mbi vlerën reale të projekteve dhe kostot e prishjes së objekteve ekzistuese.

“Kryetar, në paketën fiskale që na paraqitët nuk shoh asnjë ulje të premtuar të taksave. Nëse doni leksione kontabiliteti, një orë me mua vlen sa 10 vite me këta të ekipit tuaj,” u shpreh Nika me tone të ashpra.

Ai theksoi se propozimet e tij nuk shtonin fonde shtesë, por synonin rialokimin e tyre për projekte me përparësi më të madhe dhe kërkoi më shumë transparencë për vlerën reale të investimeve.

Mbledhja vijoi me tensione dhe debate të ashpra, ndërsa pritet që diskutimet mbi buxhetin të thellohen në ditët në vijim.