Kreu i PL, Ilir Meta ka deklaruar se në projektin e Portin e Durrësit janë përfshirë edhe pseudo-opozitarë, por sipas tij “në krye të gjithë kësaj afere është Rama”.

Teksa e quajti një projekt mafioz ku do ketë pastrim gjigand parash, Meta tha se do ndërmarrin çdo iniciativë për ta ndalur.

Ilir Meta: “Në krye të gjithë kësaj afere është Rama, është shkelës i kushtetues, ligjeve, mashtrues i opinionit publik për të fshehur projektin mafioz. Është në dritën e diellit. fakte të reja do dalin, është mësuar të përfshirë përfaqësues të opozitës pseudo opozitarë, por filmat, përgjegjësia janë të tij. Është përgjegjësi penale sepse është prona më e madhe e Shqipërisë.

Jemi bashkuar iniciativës së deputetëve të opozitës duke e çuar në Gjykatën Kushtetuese, është diskriminim i hapur i një kategorie biznesi, për ndërtuesit që favorizon Rama krijohen lehtësira, për ndërtuesit e tjerë kemi ato kushte që tregojnë pabarazi. Do ndërmarrim çdo iniciativë për parandalimin e projektit mafioz, është pastrim gjigand parash, rrezikon që Shqipëria të mbetet pa port mallrash për një kohë të gjatë, përveç probleme që do të na sjellin në integrimin në BE.”