Kryeministri Edi Rama ka komentuar sot edhe planin e propozuar nga kreu i PD-së Lulzim Basha për t’iu përgjigjur krizës energjetike.
Kryeministri Rama i ka rrëzuar propozimet me 7 pikat të Partisë Demokratike, që sipas selisë blu miratimi i tyre do t’i vinte në ndihmë qytetarëve, duke filluar nga heqja e taksës mbi karburantet, si dhe uljen e TVSH në 6 % për ushqimet.
Ai kujtoi ‘piramidat’ dhe i cilësoi atavizma të kohës së Sudes dhe Vehbiut propozimet për heqjen e TVSH-së për produktet e shportës dhe heqjen e taksës për karburantet,pasi sipas tij shteti me mbledhjen e kontributeve, u vjen në ndihmë më pas qytetarëve.
“Së pari njëherë unë do t’ju kërkoj juve të verifikoni atë që thashë dje në parlament dhe atë që thashë sot. Verifikoni çmimin e naftës në 2013, i dieselit dhe benzinës. Sa ka qenë në pikat e karburantit të RSH. Sa e kanë blerë drejtuesit e automjeteve karburantin në Shqipëri në 2013? më lirë apo më shtrenjtë se sot? Vetëm kaq, pastaj diskutojmë të tjerat. Teoria ul këtu, hiq atje. janë para që ikin dhe pastaj me çfarë do i bëjë qeveria mbrojtjet. Nëse heqim të gjitha mundësitë financiare që krijohen nga kontributet, me çfarë. Sa paguajnë qytet atje për shtetin në Francë, Gjermani, nga kontributet. Sa paguajnë sigurime shoqërore atje për të marrë një pension më të lartë. Bëni krahasimet. Në aspektin e instrumenteve të mbrojtjes ne jemi shumë të qartë se çfarë do bëjmë, kurse këto kërkesat bëje rrafsh arkën e shtetit se shihemi nesër janë atavizma të kohës së Sudes dhe Vehbiut. Nuk jemi qeveria e Sudes dhe Vehbiut.
Qëllimi është që ta mbrojmë konsumatorin, por të mos cënojmë në tërësi planet e rritjes së mëtejshme ekonomike. Ekonomia rritet me rritje të prodhimtarisë, rritje të investimeve. Edhe në kohën e tërmetit, edhe pandemisë, ndaj e kemi sot rritjen më të lartë në rajon, dhe atyre që nënqeshin apo bëjnë ironi ju them që rritja 18% nuk është një rritje e ekonomisë 18% më shumë sec ishte para të se të rrëzohej, por një rritje e fuqishme para se të rrëzohej. Sot kemi në punë më shumë njerëz seç kishim para pandemisë.
Heqja e TVSH nuk ka treguar historikisht se kjo ul çmimet, se cmimet i vendos tregu dhe shteti në një sistem ekonomie kapitaliste tregu s’ka asnjë kapacitet ti imponojë privatëve sa duhet ta shesin produktin e tyre.
Kurse energjia vjen nga fakti që ne kemi mundësi të ushtrojmë një kontroll të caktuar mbi cmimin se këtu është edhe shteti në mes si prodhues dhe si shpërndarës, se po të ihsim si Spanja, që sot e ka problemin që s’ka më shteti asgjë e duhet të flasë me privatët, në prodhimin e energjisë e ka të gjithë private, Britania, s’ka më shteti asgjë.
