Opozita ka nisur protestën kundër vendimit të qeverisë për mbylljen e aplikacionit TikTok në Shqipëri, një masë që ka ngjallur reagime të forta, sidomos te të rinjtë.

Të rinjtë e Forumit Rinor të Partisë Demokratike (FRPD) kanë dalë në shesh me pankarta ku shkruhet:
• “Martinin e vrau qeveria, jo TikTok-u”, duke iu referuar vrasjes së Martin Canit më 18 nëntor, ngjarje që sipas qeverisë ka qenë një ndër arsyet e mbylljes së platformës.
• “Shqipëria 2025: Ndalohet TikTok, lejohet korrupsioni”
• “E çove edhe TikTok-un në emigracion”
• “Tani do të merremi me diçka më produktive, si korrupsioni”

Në protestë janë bashkuar edhe drejtuesit e opozitës, të cilët e konsiderojnë këtë vendim si një akt censure ndaj lirisë së shprehjes dhe përpjekje për të shmangur zërat kritikë ndaj qeverisë.

Protesta pritet të vijojë, ndërsa mbetet për t’u parë nëse qeveria do të tërhiqet nga vendimi për bllokimin e platformës në Shqipëri.