Kryeministri Edi Rama është pritur me protestë ditën e sotme në Shtetet e Bashkuara. Qindra qytetarë janë mbledhur në vendin ku ai do të realizojë një takim me diasporën shqiptare në New York, duke protestuar kundër tij. Siç shihet në fotot e publikuara, protestuesit mbanin pankarta me mesazhe kritike për Ramën.

Takimi, i cili ka tërhequr vëmendjen e shumicës së diasporës, pritet të ketë pjesëmarrës nga administrata dhe krerët e bashkive të të gjithë vendit. Kjo vizitë në SHBA vjen në një moment të rëndësishëm, vetëm dy muaj para fillimit të procesit të regjistrimit të diasporës për zgjedhjet parlamentare të vitit 2025, një mundësi e krijuar pas një marrëveshjeje mes mazhorancës dhe opozitës në muajin korrik.

PVizita në SHBA vjen 2 muaj përpara nisjes së procesit të regjistrimit të diasporës për zgjedhjet parlamentare të 2025-ës, që u mundësua pas bashkimit të votave mes mazhorancës dhe opozitës në muajin korrik. Gjithashtu, në kuadër të këtij turi, do të ketë dhe një rikthim i Ramës në Greqi më datën 3 nëntor në Selanik. Ndryshe nga takimet e majit në Athinë dhe Milano formati do të jetë më i ngushtë, teksa mësohet se takimet do të zhvillohen në holle hotelesh dhe jo në stadium.