Ish-kryeministri Sali Berisha ka dhënë një prononcim të shkurtër për mediat para nisjes së protestës para Kryeministrisë.

Ai ka thënë se kjo proterstë është kundër aleancës triraterale, Beograd-Tiranë dhe Shkup, e cila i kundërvihet sipas tij nismës së Berlinit.

Berisha sulmoi Vuçiçin dhe Ramën, por nuk la pa përmendur as Bashën që sipas tij tradhtoi çështjen kombëtare, dhe nuk ka asnjë deklaratë për Ballkanin e Hapur.

“Sot bashkohen në protestën e tyre të parë më të fuqishme në mbrojtje të interesit të tyre kombëtar të shkelmuar nga regjimi, kreu i meduzës Edvin Rama. Protesta është kundër aleancës triraterale, Beograd me vasalët e tij, Tiranë-Shkup dhe nuk është aspak kundër bashkëpunimit rajonal.

Është kundër kësaj aleance të mishëruar Ballkani i Hapur dhe refuzohet në mënyrë të prerë nga tre vende të tjera të Ballkanit. Kemi të bëjmë me një qëndrim në mbrojtje të interesit kombëtar, që është aktualisht integrimi evropian. I kundërvihet në mënyrë flagrante nismës së Berlinit, e iniciuar nga Vuçiç dhe e mbështetur nga vëllai i tij siamez Rama. Ballkani i Hapur u themelua nga Vuçiç në Novisad, nëse është një gjë që Lulzim Basha tradhtoi si peng-marrësi i tij është çështja kombëtare. Ju mi gjeni deklaratat e tij për Ballkanin e Hapur, ato nuk ekzitojnë”, tha Berisha.