Ministria e Arsimit e Rusisë ka njoftuar se nxënësve të shkollave në të gjithë vendin do t’u jepet një mësim virtual mbi “pse misioni çlirimtar në Ukrainë është një domosdoshmëri”.

Udhëzimi i transmetuar do të zhvillohet në orën 12:00 me orën e Moskës gjatë ditës së sotme.

Shikuesit do të mësojnë “për rrezikun që NATO përfaqëson për vendin tonë” dhe “përse Rusia u ngrit për mbrojtjen e civilëve të Republikave Popullore të Donetsk dhe Luhansk”.

Një deklaratë në faqen e ministrisë në Facebook tha se fëmijët gjithashtu do të mësojnë “si të dallojnë të vërtetën nga gënjeshtrat në rrjedhën e madhe të informacionit, fotove dhe videove që po vërshojnë internetin sot”.