Presidenti i Rusisë, Vladimir Putin, ka shpallur një dekret që mundëson shtetasve të huaj që luftojnë për Rusinë në Ukrainë të marrin nënshtetësi ruse për veten dhe familjet e tyre. Sipas dekretit, persona që kanë nënshkruar kontrata gjatë thirrjeve të Moskës për “operacionin e veçantë ushtarak” në Ukrainë mund të aplikojnë për pasaportë ruse.

Kërkesa përfshin dokumente që dëshmojnë regjistrimin në ushtri për së paku një vit. Aplikimi është i hapur për ata që kanë kontrata me forcat e armatosura ose “formacionet e tjera ushtarake.” Ky dekret duket se synon të nxisë të huajt me përvojë ushtarake të bashkohen me forcat ruse në konfliktin në Ukrainë. Numri i shtetasve të huaj që luftojnë përkrah Rusisë në Ukrainë mbetet i panjohur.

Megjithatë, Reuters ka raportuar në të kaluarën se kubanët, të cilët u regjistruan në ushtrinë e saj në këmbim të bonuseve të barasvlershme me njëqindfishin e pagës mesatare të Kubës, dhe për tre afrikanë të rekrutuar nga Wagneri, prej të cilëve dy u vranë duke luftuar.

Një raport i deklasifikuar i inteligjencës amerikane ka gjetur se lufta në Ukrainë i ka kushtuar Rusisë me 315.000 trupa të vdekur dhe plagosur, apo mbi 90 për qind e trupave me të cilat e nisi konfliktin.

Rusia i thirri 300.000 ushtarë shtesë në shtator 2022 në mobilizimin e saj të parë prej Luftës së Dytë Botërore. Ka pasur raportime të vazhdueshme se ajo do ta përsërisë këtë lëvizje, mbase pas zgjedhjeve presidenciale të marsit, në të cilat Putini pritet ta vazhdojë mandatin edhe për gjashtë vjet të tjera.

Kremlini ka thënë vazhdimisht se nuk i nevojitet tjetër mobilizim, megjithatë, pasi qindra mijëra burra nënshkruan kontrata vullnetarisht vitin e kaluar për t’u bërë ushtarë profesionistë.

As Rusia e as Ukraina nuk kanë treguar cila është shkalla e humbjeve të tyre në luftën tashmë 22-mujore.