Qarku i Durrësit mbetet një ‘fushë’ beteje e hapur mes Partisë Socialiste dhe Lëvizjes Socialiste për Integrim për mandatin e 8-të.
Nga numërimi i 394 Qendrave të Votimit, Partia Socialiste ka kaluar në avantazh, duke i rrëmbyer mandatin e vetëm LSI-së në këtë qark.
Nga kalkulimet rezultati mes PS dhe LSI në qarkun e Durrësit për këtë mandat lëviz për 22 vota.
Mandati i 8 në Durrës ka një simbolikë të veçante për PS-në, pasi në këtë renditje është vendosur kryeministri Rama.
MANDATET
Në Qarkun e Durrësit nga rezultati paraprak, mandatet ndahen vetëm mes PS dhe PD.
PS në këtë qarku deri tani ka siguruar 8 mandate, kurse PD 6 mandate. Diferenca deri tani mes PS dhe PD është me mbi 10 mijë vota.
