Qeveria ka miratuar sot një akt normativ, i cili shton vlefshmërinë e kartave të identitetit dhe pasaportave biometrike deri më 31 maj 2025.

Lajmi u bë i ditur nga Ministri i Brendshëm, Ervin Hoxha, pas mbledhjes së Këshillit të Ministrave. Sipas tij, ky vendim vjen si një zgjidhje për ngërçin e krijuar, pasi rreth 500 mijë shtetas shqiptarë kanë karta identiteti të skaduara.

“Me këtë vendim, të gjithë shtetasit shqiptarë që jetojnë jashtë vendit do të kenë mundësi të ushtrojnë të drejtën e tyre kushtetuese për të votuar,” tha ministri Hoxha.

Ai theksoi se votimi do të kryhet sipas udhëzimeve të KQZ, duke u regjistruar në platformën elektronike të regjistrave të Komisionit Qendror të Zgjedhjeve.

Ky akt normativ pritet të lehtësojë pjesëmarrjen e shqiptarëve në zgjedhjet parlamentare të 11 majit 2025, veçanërisht për ata që ndodhen jashtë vendit.