Kryeministri, Edi Rama ka deklaruar mbrëmjen e sotme në ‘Opinion’ se policia dinte më shumë se të tjerët lidhur me zhdukjen e të shumëkërkuarit, Ervis Martinaj.
Ai shtoi ndër të tjera, se ishte vazhdimisht i informuar por theksoi se policia duhet të ketë qartësi më të madhe për të bërë një komunikim zyrtar.
Edi Rama: Ne e pamë të udhës që t’i kërkojmë drejtorit të përgjithshëm që të bënte një hap prapa sepse është e papranueshme që vendi të jetojë nën një skenar Big Brother të kronikës së zezë. Nuk e di nëse ka prova. Unë jam vazhdimisht i informuar. Problemi është që versioni duhet të bazohet në prova. Policia ka shumë më tepër se cfarë kanë të tjerët, por duhet të ketë qartësi kur bën një komunikim zyrtar.
