Kryeministri Edi Rama ka zgjuar të qeshura mes banorëve të njësisë nr.2 në Tiranë, teksa lexonte disa komente nga rrjetet sociale gjatë një takimi publik.

Një qytetar kishte shkruar: “Fiks si mbledhjet e Enverit! Poshtë komunizmi”. Rama nuk ngurroi ta komentonte me batutë:

“Kam marrë me vete disa komente nga FB dhe është njëri që shkruan ‘fiks si mbledhjet e Enverit, poshtë komunizmi’. Sa të jenë këto tipat, komunizmi do vijojë të jetë në pushtet. Idjot komplet. Do nisin të thonë tani bobo çfarë i the, por çfarë ti them,” tha Rama, duke shkaktuar të qeshura mes të pranishmëve.

Ky moment tregoi sërish stilin e tij të drejtpërdrejtë dhe të pakonvencional në komunikimin me qytetarët, duke përdorur humorin për të reaguar ndaj kritikave online.