Kryeministri Edi Rama ka falenderuar presidentin turk Rexhep Taip Erdogan për ndërtimin e banesave të reja në Laç, të cilat u shkatërruan nga tërmeti i 26 nëntorit 2019.
Gjatë fjalës së tij, kreu i qeverisë shqiptare tha se me presidentin turk ka një miqësi të ngushtë madje tregoi bisedën që kishte zhvilluar vite më parë me Erdoganin.
Sipas Ramës, Erdogan është një nga ata politikanë dhe miq të Shqipërisë që e mbajnë gjithmonë fjalën e dhënë.
Kryeministri tha se Turqia çoi deri në fund ndihmën e premtuar për Shqipërinë, pavarësisht se dhe vetë u godit nga disa fatkeqësi natyrore.
Edi Rama gjatë fjalës në Laçi përballë presidentit turk Erdogan:
“Kjo është një ditë e veçantë dhe unë do të flas sa më shkurt pasi sot të gjithë duan të dëgjojnë mikun e madh të Shqipërisë, dhe kam ndertin ta them mikun tim të çmuar presidentin Erdogan. Sot dua të tregoj nj episod nga takimi i parë me presidentin Erdogan atë kohë ishte kryeministri i Turqisë.
Unë isha i ndrojtur sepse e njihja nga televizori dhe nuk duket aq i buzëqeshur. Me thën drejtën edhe kur u takuam dhe ishim ulur ballë për ballë më shikonte por nuk buzëqeshte. Unë akoma nuk isha bërë kryeministër dhe më thotë, dëgjo këtu:
Shqipëria dhe Kosova janë në zemrën time. Shqiptarët janë në zemrën e popullit turk, unë më tha dëshiroj që ti të jesh vëllai im por unë do të them vëlla atëherë kur të bëhesh si kryeministër i vendit tënd të fitosh respektin e popullit tënd.
Unë jam krenar që mund ta quaj veten miku i presidentit Erdogan madje një gazetare gjermane para disa kohësh më pyeti në një konferencë, tha: A është e vërtetë që ju jeni miku i presidentit Erdogan dhe a e keni vërtet mik, i thashë: E kam shumë mik dhe nuk e kam mik. E kam frikë këtë përkëthyesin se nuk e di si më përkëthen fjalët në turqisht, por nuk kam rrugë tjetër duhet ti besoj përkthyesit sepse nuk e mësoj dot turqishten në këtë moshë (qesh).
Kam vite që e bëj këtë detyrë dhe i kam takuar ndër vite liderat e shteteve, është e vërtetë që shpesh herë jam kurioz çështë kjo miqësi e ngushtë me presidentin e Turqisë. Ja erdhi përkëthyesi tjetër, se ai i pari…(qesh)
Priren të shikojnë këtë si një cështje konspiracioni, jo xhamitë, jo aspiratat e presidentit, etj. Kurse përgjigja ime është shumë e thjeshtë: Erdogan thotë atë që bën dhe bën atë që thotë. Nuk është e lehtë në botën e sotme që të gjesh njerëz që “PO” e kanë “PO dhe “JO” e kanë JO”, tha Rama.
