Kryeministri Edi Rama, në vijim të turit të tij në shkollat profesionale, vizitoi Shkollën Profesionale në Elbasan, ku foli për rëndësinë e deklarimit të pagave të plota dhe reformat që lidhen me sigurimet shoqërore dhe luftën kundër informalitetit. Ai theksoi se qeveria do të marrë masa të forta për t’i detyruar bizneset të deklarojnë pagat reale të punonjësve, pasi kjo ndikon drejtpërdrejt në përfitimet e tyre, veçanërisht në pensione.

Rama u shpreh se shumë punonjës pranojnë të marrin një pjesë të pagës në dorë, pa u deklaruar, gjë që dëmton jo vetëm ata, por edhe sistemin e sigurimeve shoqërore. Ai e lidhi këtë praktikë me vështirësitë në rritjen e pensioneve, duke theksuar se mungesa e deklarimit të plotë të pagave çon në një ulje të kontributeve që financojnë pensionet e gjyshërve dhe gjysheve të sotme.

“Kur pranojnë të bashkëpunojnë me sipërmarrës në shkelje të ligjit dhe të deklarohet një pagë më e ulët, i japin sipërmarrësit mundësinë që padrejtësisht të marrë nga pensioni i gjyshes dhe gjyshit,” tha Rama. Ai bëri thirrje për një vetëdijesim më të madh nga punonjësit për të kërkuar që paga e tyre të deklarohet e plotë dhe të përfshijë sigurimet shoqërore dhe shëndetësore.

Kryeministri u ndal gjithashtu te rritja e pagave për mësuesit, duke premtuar se do të ketë rritje të mëtejshme në të ardhmen, e cila lidhet me rritjen e mundësive ekonomike të vendit. Megjithatë, ai theksoi se