Mirëpo, Kryeministri Edi Rama s’ka kursyer batutat me homologen e tij finlandeze, Sanna Marin, gjatë deklaratës së përbashkët për shtyp në Kryeministri.

Shefi i ekzekutivit u shpreh se do të kishte dëshirën që homologia e tij finlandeze, të vizitonte sërish Shqipërinë, së bashku me bashkëshortin dhe vajzën.

“Nga ana tjetër ne mbështesim me gjithë besimin dhe bindjen tonë anëtarësimin e Suedisë dhe Finlandës në NATO. Bëhet fjalë për dy vende që në çdo aspekt janë një vlerë e shtuar e NATO-s dhe për më tepër në kushtet e sotme dyert ditët e sotme dyert e Aleancës duhet të jenë të hapur në të katërt kanatet për hyrjen e Finlandës dhe Suedisë.

Madje ne ndihemi të privilegjuar që na jepet mundësia të bëjmë një gjë për Finlandën, kjo nuk është pak.

Në fund kam dëshirën t’i uroj kryeministres çdo të mirë, kur erdhi më tha ‘koha është shumë e bukur’. Shpresoj që vizita, edhe se e shkurtër, do jetë e mjaftueshme ta bëjë kryeministren të mendohet të vijë përsëri, pse jo edhe me vajzën e vogël dhe bashkëvuajtësin”, tha Rama.