Kryeministri i vendit, Edi Rama ka vijuar me takimet e tij të fushatës elektortale, ku është ndalur edhe në dis nga qytetet në Juf të vendit si: Gjirokastëra, Tepelena, Libohova dhe së fundmi Saranda.

Gjatë takimit të tij me qytetarët e Gjirokastrës, kryesocialisti ka komentuar edhe premtimin e bërë nga Adil Xhelili, kandidati i koalicionit ‘Bashkë Fitojmë’, për bashkinë e Libohovës i cili është zotuar për shërbim funeral falas nëse zgjidhet kryebashkiak.

Rama ka ironizuar këtë premtimin të Xhelilit duke thënë se ky i fundit ishte gati të varroste gjithë Gjirokastrën.

“Kemi një në Libohovë që është gati t’ju varrosë të gjithëve. Thotë më jepni votën të varros gjithë Gjirokastrën. Të gjitha falas i keni me ta, po e dini shumë mirë ca vjen pas asaj falas, jo t’i keni falas po mos të të lënë as të varrosesh rehat”-tha Rama.

Më herët, gjatë takimit të tij në Tepelenë, ai tha se nën drejtimin e socialistëve qyteti është më i zhvilluar se kurrë më parë ndërsa tha se nuk kishte asnjë arsye që qytetarët të votonin për kandidatin që përfaqëson Berishën dhe Metën të cilët i etiketoi si ‘Salike Non-grata’.

Për Metën dhe Berisha, Rama tha se të dy duhet të mbajnë përgjegjësi para drejtëisë për ‘borxhe’ të cilat ua kanë shqiptarëve duke nisur nga 21 janari dhe firmat për lejet e hidrocentraleve të paligjshme.

“Ku e gjejnë ata paftyryrësinë që të vënë kandidat këtu. Nuk duhet të kishin vënë fare. Për çfarë i vënë? Që të vijnë të sjellin prapë plehrat? Ju kujtohet si ishte Tepelena ku liheshin plehrat rrugëve? Sot nuk shikon një copë letër në rrugë sepse janë bashkuar bashkë edhe kujdesi i bashkisë edhe komunitetit.

Çifti i Salikes. Një emër ka ai çift, Salike non-grata. Nuk ka shans më për t’ju dhënë më gjë shqiptarët. Ata duhet t’u japin llogari shqiptarëve para drejtësisë për borxchet që u kanë shqiptarëve. Që nga borxchet e gjakut derii tek ato të hidrocentraleve. Mos kini dyshim, drejtësia vonon por ka gjithmonë e më pak shanse të harrojë”-tha Rama.