Edi Rama ka zhvilluar ditën e sotme një sërë takimesh me drejtuesit politikë të Partisë Socialiste (PS) për të diskutuar mbi listat e kandidatëve për zgjedhjet parlamentare të 11 majit. Takimet, që nisën mëngjesin e së dielës dhe përfunduan në pasdite, janë konsideruar një lloj “show” politik, pasi Rama është i njohur për kontrollin e fortë mbi procesin e përzgjedhjes së kandidatëve.

Ndërkohë që disa figura të njohura të PS-së janë përfshirë në listat e kandidatëve, ka pasur disa përplasje dhe diskutime mbi përfshirjen e disa emrave të rinj dhe ndryshimin e drejtimit të disa qarqeve.

Disa nga emrat që pritet të jenë në listat e mbyllura janë:

Tiranë:
• Edi Rama, Ogerta Manastirliu, Elisa Spiropali, Ervin Hoxhaj, Albana Koçiu, Blendi Gonxhe, Erion Braçe dhe shumë të tjerë.

Fier:
• Belinda Balluku, Antoneta Dhima, Kristo Papa, Petrit Malaj dhe Ami Kozeli.

Korçë:
• Niko Peleshi, Nertil Jole dhe Anastasia Zaimi.

Shkodër:
• Xhejms Çela, Majlinda Angoni, Besmir Lesha dhe Frrok Gjini.

Lezhë:
• Ulsi Manja, Ermal Pacaj dhe Marjeta Nela.

Një tjetër ndryshim i rëndësishëm është hedhur në dritë për Edi Ramën, i cili ka vendosur të kandidojë në Qarkun e Tiranës dhe të braktisë kandidimin në Shkodër.

Në shumë qarqe, përfshirë Fierin, Korçën dhe Shkodrën, do të jenë të pranishëm emra të njohur, por gjithashtu do të përfshihen edhe disa emra të rinj, të tillë si Nertil Jole dhe Anastasia Zaimi në Korçë, apo Xhejms Çela në Shkodër.

Përsa i përket listave të hapura, Rama ka bërë të ditur se ato do të përfshijnë individë me më shumë se dy mandate të PS-së, të cilët do të luftojnë për një vend në Parlament.

Pritet që listat e kandidatëve të dorëzohen në Kryesinë e PS-së për miratim më 12 mars, ku pasiguria mbi kandidaturat e disa figurave dhe drejtuesve të qarqeve të tjera mund të shpërthejë.