Kryetari i Aleancës për Ardhmërinë e Kosovës (AAK), Ramush Haradinaj, ka komentuar rihapjen e Katedrales Notre-Dame në Paris pas rindërtimit të madh që ka kaluar. Ai e ka cilësuar këtë ngjarje si një simbol të fuqishëm të kulturës franceze dhe botërore.
Në një postim në Facebook, Haradinaj theksoi se Katedralja Notre-Dame është një monument i pazëvendësueshëm, i cili ka rinisur pas një rindërtimi të madh, duke përkujtuar donacionin e Kosovës prej 20,000€ për këtë projekt.
Haradinaj theksoi gjithashtu se ky kontribut u bë në maj të vitit 2018, kur ai ishte Kryeministër i Kosovës dhe theksoi se, pavarësisht kritikave të kohës, ky ishte një moment krenarie për vendin, duke treguar angazhimin e Kosovës për mbështetje të vlerave të kulturës dhe trashëgimisë universale.
Citatet e Haradinajt:
“Sot, një nga simbolet më të mëdha të kulturës franceze dhe botës, Katedralja Notre-Dame në Paris po hap sërish dyert e saj pas një rindërtimi të madh.”
“Me 18 maj 2018, në cilësinë e Kryeministrit të Republikës së Kosovës dhe gjithë qytetarëve të vendit u bashkuam me përpjekjet e popullit francez dhe vendeve mike për rindërtimin e saj me një donacion prej 20.000€.”
“Një shumë simbolike e që hasi edhe në shumë kritika shkurt-pamëse të kohës, por që sot të gjithëve na bën të jemi krenarë që edhe ne si Kosovë jemi pjesë e familjes së kombeve të lira dhe të qytetëruara që mbështet dhe mbron vlerat e kulturës dhe trashëgimisë universale.”
