Më shumë se 100,000 ushtarë rusë janë vrarë në Ukrainë që nga pushtimi i forcave të Moskës më 24 shkurt. Këtë e ka bërë të ditur Shtabi i Përgjithshëm i Forcave të Armatosura të Ukrainës në një postim në Facebook.

“Në këtë periudhë, Rusia humbi gjithashtu 3000 tanke dhe rreth 6000 automjete të tjera të blinduara në fushën e betejës”, shtoi Shtabi i Përgjithshëm.

Rreth 100,400 ushtarë rusë kanë vdekur që nga fillimi i luftës, duke përfshirë 660 dje, tha ushtria ukrainase.

Në përditësimin për humbjet e pësuar deri më tani nga Moska, Shtabi i Përgjithshëm i Ushtrisë tregon se janë rrëzuar gjithashtu 283 luftëtarë, 267 helikopterë dhe 1693 dronë. Forcat e Kievit thonë se shkatërruan 3,003 tanke ruse, 5,981 automjete të blinduara luftarake, 1,978 sisteme artilerie, 413 sisteme të shumta raketahedhëse, si dhe 16 anije dhe 653 raketa lundrimi.