Komisioni për Çështjet ligjore është mbledhur ditën e sotme duke pasur një çështje kryesore si rend ditë, shqyrtimin e kandidaturave për presidentin e republikës së Shqipërisë.

Kryetarja e Komisionit, Klotilda Bushka ka dhënë edhe njoftimin formal sa I takon mungesës së kandidaturave të paraqitura për postin e presidentit të republikës, duke deklaruar se edhe raundi i tretë konsiderohej tashmë i mbyllur.

“Besoj se jeni në dijeni, siç na kanë njoftuar edhe shërbimet e kuvendit, edhe në këtë raunde nuk është paraqitur asnjë kandidaturë kështu që edhe ky raund konsiderohet i ezauruar”– u shpreh Bushka.

Komisioni miratoi raportin e lexuar nga relatori, Ndreca. Tashmë do të vijojë mbledhja formale e kuvendit, për të përmbyllur zyrtarisht raundin e tretë për presidentin, duke mos pasur asnjë kandidat dhe duke lënë çdo gjë në dorë të qeverisë.

PS siç pati deklaruar edhe më herët nuk ka bërë asnjë propozim deri në raundin e tretë, ndërsa tashmë priten emra konkretë nga ana e tyre në raundin e katërt.