Deputeti i Partisë Demokratike (PD), Arbi Agalliu, ka reaguar ndaj situatës së krijuar në Kuvendin e Shqipërisë ditën e sotme. Ai ka deklaruar se shqiptarët e kanë kuptuar qartë se disa individë vetë e ndezin dhe vetë e fikin zjarrin në Parlament. Agalliu ka shtuar se disa kanë halle dhe probleme personale me drejtësinë, veçanërisht me Strukturën e Posaçme të Hetimit të Korrupsionit dhe Krimit të Organizuar (SPAK), ndërsa disa të tjerë po përfitojnë për të kaluar në vetëm 10 minuta dhe pa asnjë diskutim projektin e buxhetit për vitin 2024.
Përshëndetje te nderuar qytetarë! Sot parlamenti i Shqipërisë do duhej të zhvillonte seancën më të rëndësishme të këtij viti.
Sot në Parlamentin e Shqipërisë do duhej të diskutehej mbi projektbuxhetin.
Të diskutohej mbi shpenzimet marramendëse të kësaj qeverie ku shumica e tyre shkojnë për PPP e koncesione korruptive dhe aspak për hallet dhe problemet reale të qytetareve.
Sot në parlamentin e Shqipërisë nuk u kuptua kush e ndizte flakën e kush e fikte flakën.
