Pas një shpërthimi të fuqishëm në një magazine në ndërtim në Lushnjë, humbën jetën vinçieri Landi Verçani dhe djali i tij. Djali i vinçierit nuk mundi të mbijetojë plagëve të rënda dhe ndërroi jetë në spitalin e Traumës në Tiranë.

Ngjarja tragjike ndodhi gjatë shpërthimit në një magazinë në pronësi të deputetit të Partisë Socialiste, Bujar Çela. Deputeti Çela është i plagosur dhe i është nënshtruar një ndërhyrje kirurgjikale, ndërsa disa të tjerë janë transportuar drejt spitalit të Traumës në Tiranë për trajtimin e plagëve të tyre.

Dyshohet se shpërthimi u shkaktua nga një vinç që preku linjën e tensionit të lartë, duke sjellë pasoja të rënda. Autoritetet lokale dhe grupet hetimore janë duke kryer hetimet për të zbuluar shkakun dhe përgjegjësitë e ngjarjes së tronditshme.