Qindra automjete janë bllokuar në rrugën e Arbrit si pasojë e bllokimit nga reshjet e bores dhe breshëri. Mësohet se makinat janë bllokuar tek tuneli i Bypass-it në Qafë-Murriz.

Ish-deputeti Qemal Gjunkshi ka publikuar pamjet në rrjetet sociale, ku shkruan se bllokimi i Rrugës së sapo hapur të Arbrit krijon kaos dhe pasiguri  te qytetarët.

“Me padurim e pritën sot Dibranët hapjen e Rrugës së Arbrit dhe ashtu sikurse shumëkush edhe unë si Dibran do doja të ndihesha i gëzuar që u arrit të hapej një segment I rrugës. Por, nuk mjaftuan vetëm disa orë nga inagurimi pompoz i 350 milionë Eurove të harxhuar nga taksapaguesit shqiptarë që kjo rrugë të bllokohej dhe të krijohet kaos.

Me qindra qytetarë janë bllokuar në këto momente në aksin e sapo hapur, nga Tirana deri në Fshatin -Fshat (Klos). Kjo është Qeveria e Show-ve e reklamave dhe tamtameve.

Qeveria të marre masa urgjente dhe të garantojë sigurinë e jetës të qindra qytetarëve, familjareve të cilët po qëndrojnë në kushte mjaft të  vështira të dëborës, ngricës dhe acarit”, shkruan Gjunkshi.