Njëri prej aktorëve më të njohur të kinematografisë botërore, Robert De Niro, i cili është një kritik i hapur i Donald Trump, ka shprehur mbështetjen e tij për Kamala Harris, duke kritikuar ashpër ish-presidentin amerikan. De Niro e cilësoi Trump-in si një figurë të etur për pushtet që sillet “si një gangster.”

“Në çdo mjedis, ekziston një kod nderi,” theksoi aktori, duke shtuar se “nëse nuk mban fjalën tënde dhe nuk vepron si duhet, pavarësisht nga profesioni, do të margjinalizohesh. Dhe në atë botë është pak më e vështirë.”

Në vijim, De Niro u shpreh se Trump kurrë nuk do të heqë dorë nga pushteti. “Ai mendon se është një gangster. Vepron si gangster,” shtoi aktori, duke kritikuar ata që besojnë se Trump mund të tërhiqet nga ambiciet e tij për pushtet.