Policia e Riminit ka arrestuar tre shtetas shqiptarë të moshave 20, 25 dhe 35 vjeç, të cilët dyshohen si pjesë e një rrjeti të shpërndarjes së drogës në Itali. Operacioni u zhvillua në zonën turistike të Miramare, ku objektiv i tregut ishin kryesisht pushues dhe turistë.

20-vjeçari u kap duke dalë nga një apartament dhe përgatitej për një transaksion droge, ndërsa dy bashkatdhetarët e tjerë u gjetën në shtëpinë e tij duke tentuar të asgjësonin lëndën narkotike, duke e hedhur në tualet. Kontrolli pasues zbuloi afërsisht 120 gramë kokainë, së bashku me materiale paketimi, peshore precize dhe një makinë paketimi me vakum.

Të tre të rinjtë nuk kishin precedentë penalë dhe u dërguan në burgun e Riminit, ku do të qëndrojnë nën mbikëqyrjen e autoriteteve gjyqësore për procedurat e mëtejshme.