Ashtu siç u paralajmërua edhe dje, hakmarrja e Putin pas fundosjes së luftanijes “Moskva”, tashmë ka nisur. Meidat ndërkombëtare raportojnë se kanë rinisur sulmet nga ajri drejt kryeqytetit ukrainas, Kiev.
Shpërthime të fuqishme janë dëgjuar mëngjesin e së shtunës në periferi të Kievit. Lajmi është bërë i ditur nga kryetari i bashkisë, Vitali Klitschko.
Me anë të një postimi në Telegram, ai tha se shpërthimet kanë ndodhur në lagjen Darnytskyi. Ai shtoi se numri i viktimave ende nuk dihet, ndërsa ekipet e shpëtimit ndodheshin në vendngjarje.
Por jo vetëm në Kiev, Rusia ka shkuar deri në perëndim të Ukrainës me anë të sulmeve të saj mëngjesin e së shtunës. Guvernatori i Lviv, Maksym Kozytskyi, tha se ka pasur sulme nga ajri midis orës 05:46 dhe 07:02. Ai shtoi se sistemi i mbrojtjes raketore ka funksionuar, por nuk ka dhënë detaje të mëtejshme.
Ndërkohë sa i takon humbjeve të luftës, presidenti ukrainas Zelensky ka folur për deri 3 mijë ushtarë të rënë në përballjen me Rusinë.
Nga ana tjetër Zelensky foli për rreth 10 mijë ushtarë të plagosur, por nuk dha një bilanc të humbjeve në radhët e civilëve.p
