Sekretari i Përgjithshëm i NATO-s, Mark Rutte, në fjalën e tij gjatë samitit trepalësh në Shtëpinë e Bardhë mes SHBA-së, BE-së dhe Ukrainës, theksoi nevojën urgjente për të mbrojtur Ukrainën nga shkatërrimi i mëtejshëm.
“Nëse i luajmë kartat tona siç duhet, mund ta ndalojmë shkatërrimin e Ukrainës. Nëse ne luajmë mirë këtë, ta ndalojmë shkatërrimin e infrastrukturës së Ukrainës. Të sigurohemi që t’i japim fund kësaj lufte. Dua të përgëzoj lidershipin tuaj.”, deklaroi Rutte.
Këto mesazhe vijnë në një moment kritik, ndërsa në tryezë po diskutohet paketa e garancive të sigurisë për Kievin, lirimi i të burgosurve dhe hapat drejt një takimi të mundshëm trilateral Trump–Zelensky–Putin.
