Sot, kryetari i Partisë Demokratike, Sali Berisha, ka mbajtur një mbledhje urgjente me kryetarët e degëve të Tiranës. Në këtë takim, Berisha ka bërë thirrje për organizimin e një proteste të madhe para Kuvendit, e cila do të zhvillohet ditën e hënë në orën 12:00. Propozimi i Berishës për protestën ka marrë miratimin e plotë të grupit të tij.

Gjithashtu, është bërë e ditur se në të njëjtën ditë, Këshilli i Mandatave brenda Kuvendit do të shqyrtojë kërkesën e SPAK për autorizimin e masës së “Arrestit në shtëpi” ndaj Sali Berishës.

Përveç kësaj proteste të paralajmëruar për ditën e hënë, është njoftuar se do të zhvillohet një tjetër protestë në ditën e enjte, njëkohësisht me mbajtjen e seancës plenare në Parlament. Pjesëmarrësit pritet të jenë qytetarë dhe mbështetës të Berishës, të cilët do të mblidhen jashtë ambjenteve të Kuvendit.