Deputeti i Partisë Demokratike, Ervin Salianji, gjatë një fjalimi të ashpër në Komisionin e Sigurisë, kritikoi fort Policinë e Shtetit dhe ish-drejtorin e saj, Ardi Veliu. Sipas Salianjit, Veliu ishte aq i paaftë sa “nuk lexonte dot as abetaren,” një koment që synonte të nënvizonte mungesën e profesionalizmit në krye të institucionit.

Gjithashtu, ai përmendi një nga incidentet më të rënda të drejtorisë së policisë nën udhëheqjen e Veliut – vrasjen e Klodian Rashës – duke kujtuar që Veliu kishte deklaruar gabimisht se i riu ishte i armatosur. Salianji theksoi se Policia e Shtetit është degraduar në atë pikë që është bërë “copë,” dhe se nuk ka treguar aftësinë për të arrestuar drejtuesit e organizatave kriminale.

Ervin Salianji: Ardi Veliu nuk lexonte abetaren. Ai tha se vrasja e Klodian Rashës ndodhi sepse kishte pistoletë në dorë. Struktura e Policisë së Shtetit është bërë copë. Nuk janë arrestuar krerë të organizatave kriminale.
Nasip Naço vdes të vijë prapë me ne. Të thashë dhe njëherë që hajde tek ne, sepse po shikon veç lëvizjet tona. Drejtuesi i SPAK ka thënë se operacionet e policisë dekonspirohen. Krimi zgjedh drejtuesit e policisë.