Deputeti i Partisë Demokratike, Ervin Salianji, reagoi menjëherë pas fjalimit të Kryeministrit Edi Rama në Parlament. Gjatë fjalës së tij, Salianji ironizoi duke thënë se i vinte mirë që “Rama është ekspert i rrotullimit të gjërave në gojë“. Ai e akuzoi Kryeministrin për lejimin e një klime të tillë në vend, duke deklaruar se Shqipëria është kthyer në një qendër operacionale të trafikut të drogës.

“Më vjen mirë që ishte ekspert i rrotullimit të gjërave në gojë,” tha Salianji, duke shtuar më tej kritikat e tij ndaj Ministrave të Brendshëm që kanë shërbyer nën qeverinë e Ramës.

“Ministrat e Brendshëm të tutë, kryeministër, kanë qenë e janë problematikë. Edhe atë që ke sot në detyrë do ta çojmë në SPAK. Ministrin e Brendshëm e kishe ashtu siç e kishe. E ke kthyer Shqipërinë në qendër operacionale të trafikut të drogave të rënda,” theksoi Salianji, duke vazhduar akuzat për situatën e krimit në vend.