Deputeti i Partisë Demokratike, Ervin Salianji, gjatë takimit me demokratët në Rrëshen, shprehu bindjen se bashkimi i demokratëve dhe cilësia në përfaqësim është një kombinim i papërballueshëm për kryeministrin Edi Rama.
Ai theksoi se përballë sfidave të shumta, demokratët arritën të fitonin në një bashki të vështirë, duke e kundërshtuar kundërshtarët që operonin me të gjitha mjetet dhe instrumentet, edhe ato të paligjshme.
Salianji vlerësoi se bashkimi i demokratëve dhe cilësia në përfaqësim do të jetë një formulë e suksesit edhe në zgjedhjet e ardhshme. Ai tha se, megjithë sfidat, opozita po fiton terren duke punuar me profesionalizëm dhe cilësi, duke e sfiduar qeverinë çdo ditë.
Ne jemi këtu mes demokratësh në një bashki të fituar. Nuk ishte në asnjë vend e lehtë. Të gjitha rrethanat ishin kundër nesh. Nuk kishim logo, fonde, ndërkohë që kundërshtari operonte me cdo mjet dhe instrument edhe të paligjshëm. Duke shkelur standardet e zgjedhjeve të lira dhe ndershme, të certifikuara në raportin e OSBE/ODIHR.
Bashkimi i demokratëve dhe cilësia në përfaqësim, ky kombinim rezultoi i papërballueshëm për Ramën dhe nëse ne vazhdojmë të bëjmë këtë, kjo do jetë një formulë suksesi edhe në zgjedhjet e ardhshme.
Ne kemi akoma shumë për të bërë, por me bashkimin dhe aktet e ndërmarra nga lidershipi i partisë, opozita po fiton cdo ditë e më shumë terren.
Puna profesionale dhe cilësore, po ia heq cdo ditë tullat qeverisë. Kemi arritur që ta vendosim qeverinë në këtë pozitë që ju e shihni sot. E patë se cfarë bëhet me drejtorët e Bashkisë së Tiranës, e patë se cfarë bëhet me taksat e shqiptarëve, që duhet të shkojmë për shërbime shëndetësore më të mira, por shkojnë për koncesione.
E patë se cfarë ndodhi dje. Pasi ne ngritëm Komisionin Hetimor dhe vendosëm në krye të listës së personave për t’u pyetur në TIMS, e arrestuan drejtorin e Policisë së Shtetit dhe shpresoj të mos jetë një truk për t’iu shmangur hetimit të gjithë përgjegjësit nji më nji, të cilët e kanë përdorur ndërhyrjen në sistemin e TIMS, për t’u dhënë grupeve kriminale akses dhe për të fshirë të dhënat.
Nuk mund të ketë truk që në një vit e kusur pasi është denoncuar ndërhyrja në sistemin TIMS, qeveria bën sikur arreston një drejtor që e ka lënë për një vit e gjysëm aty.
A e keni parë se sa qesharak janë, a e dëgjuat se si në të njëjtin komision kërkuan që të vinte të dëshmonte Sali Berisha, ditën tjetër erdhën dhe thanë që në bëmë shaka.
