Ish-missja Sara Gjordeni ka bërë shumë zhurmë në ‘Big Brother Vip’ duke përfshirë veten në debate dhe dëshirën për një romancë me Bardhin, duke u bërë një nga personazhet më të komentuar të sezonit.

Sara Gjordeni duket se është ndjekëse e zjarrtë e këtij formëti, duke bërë që rrjeti të kujtojë një postim të sajin në ‘Instastory’, ku ajo kishte komentuar lojën e Kiarës në edicionet e kaluara.

Në postim, Gjordeni ka ndarë një ngjarje të pakëndshme me Kiarën, ku ajo e kishte quajtur “katunare” duke i drejtuar një mikut të saj fjalët: “Iii po këtë katunaren ç’e mban folloë? S’më pëlqen kjo është shumë e shëmtuar”.

Gjithashtu, Sara ka shprehur kritika ndaj Kiarës, duke thënë se ajo përdor viktimizimin e “gocës së mirë” përpara kamerave, ndërsa brenda shtëpisë është një person tjetër.

Ky postim ka rikujtuar tensionet dhe dyshimet e shfaqura në ‘BBV’ lidhur me pëlqimin e Sara Gjordenit ndaj Bardhit. Ndërkohë, Sara ka argumentuar se nga ky program kanë dalë çifte të martuara dhe me fëmijë, ndaj e drejtohet skeptikëve që dyshojnë ndaj qëllimeve të saj në shtëpi.