Sot, më 12 shtator, u zhvillua seanca e parë e legjislaturës së XI-të të Kuvendit të Shqipërisë, e dalë nga zgjedhjet parlamentare të 11 majit. Në sallën e Kuvendit u ulën 140 deputetë, mes tyre 72 të rinj që hyjnë për herë të parë në parlament.

Por ende pa nisur zyrtarisht procedurat e para, atmosfera në Kuvend u tensionua. Deputeti demokrat Klevis Balliu nxori në sallë një poster të madh me mbishkrimin “KARTELI – Shqipëria 2030”, ku ishte vendosur fotografia e Aleks Soros, i biri i filantropit të njohur Xhorxh Soros.

Veprimi i Balliut u shoqërua me reagime të menjëhershme nga kolegët deputetë, duke i dhënë seancës së parë të parlamentit një fillim të zjarrtë.