Seanca plenare e të enjtes nisi me debate dhe tensione mes opozitës dhe kryetares së Kuvendit, kjo për shkak të dokumenteve dhe të dhënave që kanë dalë për lidhjet e ish zyrtarit të FBI-së të arrestuar dhe kryeministrit shqiptar Edi Rama.

Ishte deputeti i PD Enkelejd Alibeaj ai që kërkoi nga kryeparlamentarja që të thërriste Ramën që ai të japë llogari në Parlament për këtë çështje.
Por Lindita Nikolla i hoqi fjalën.

Enkelejd Alibeaj: Kërkese që sot në këtë seancë do duhet të jetë perzent kryeministri Edi Rama, ajo karrige nuk mund të rrijë bosh. E bëra këtë kërkesë para nsijes së renditjes së rendit të ditës, nuk mund të bëjmë sikur s’ka ndodhur asgjë kur gjithë bota është duke gumëzhitur…

Lindita Nikolla: Nuk është fare kërkesë lexojeni nenin përkatës

Enkelejd Alibeaj: të lutem
Lindita Nikolla: Mos mu lut fare se ju referove rregullores

Enkelejd Alibeaj: Kërkesa për procedurë kërkohet në cdo kohë
Lindita Nikolla: Jua dhashë fjalën
Enkelejd Alibeaj: Më lini të mbaroj. Ju jeni garante për të thirrur këtu Edi Ramën se ai njeri që është strumbullari i një skandali korruptiv që ka disa ditë që vlon në Shqipëri e Amerikë do duhet të japë sqarime më së pari në Parlament, ky është vendi ku duhet të jetë prezent.

Lindita Nikolla: Do ju ndërpres fjalën.