Mes ish-banorëve të ftuar në “Fun Club” këtë të martë, ishte edhe këngëtarja Semi Jaupaj. Ajo foli për eksperiencën e saj në “Big Brother Vip”, por nuk la pa përmendur edhe aktorin Donald Veshaj, ish të dashurin e shoqes së saj të ngushtë.

Duke folur për aktorin, ajo tha se ai ka bërë gjëra që nuk i kanë pëlqyer dhe i ka përjetuar emocionalisht, referuar lidhjes së tij me Beatrix Ramosajn. Por shtoi se ka ditur si ta ndajë Donaldin si lojtar dhe Donaldin si njeri të saj të afërt.

“Nuk jam dakord me një gjë që Donaldi ka bërë dhe kjo dihet. E kam përjetuar emocionalisht, pa dyshim. Por kam ditur të ndaj shpeshherë, mos të them gjithë kohës Donaldin si lojtar. Padyshim që e kam vlerësuar Donaldin si lojtar. Për mendimin tim lidhet pak ngushtë një fitues me gjëra që mund të ketë bërë që nuk më kanë pëlqyer. Siç edhe themi për konkurrentët që kanë dalë nga “Big Brother”-i. Kam luftuar për të që ta fitojë. Në këtë moment, kushdo që ta fitojë do isha e lumtur dhe nuk mund të mërzitesha gjithashtu.”, u shpreh ajo

Kujtojmë se ditën e djeshme Semi Jaupaj publikoi këngën e saj më të re me titull “Mos u kthe”. Janë të shumtë fansat që mendojnë se kjo këngë i dedikohet historisë së dashurisë së Donald Veshajt dhe Bora Zemanit. Fakti që këngëtarja është shoqja e ngushtë e moderatores ka bërë që fansat nëpër komente të shkruajnë se fjalët e këngës janë thumba drejt Donaldit dhe lidhjes së tij me Beatrix.