Një fëmijë 6 vjeç ka qëlluar një mësuese në një shkollë fillore në Virxhinia, të premten pasdite. Policia tha në një deklaratë se ka arrestuar djalin dhe se të shtënat nuk ishin aksidentale. Nxënësi është marrë në paraburgim dhe mësuesja, një grua rreth të 30-ave, u dërgua në një spital lokal për t’u trajtuar, ndërsa gjendja e saj tashmë është më e mirë.

Ende nuk ka asnjë detaj se si fëmija mendohet se ka marrë armën e zjarrit. Por sipas shefit të policisë, Drew, oficerët kishin zhvendosur fëmijët nga kampusi i tyre në gjimnaz dhe ata tashmë do të jenë të sigurtë deri në përpunimin e provave për të zbardhur atë që ka ndodhur në vendin ku i mituri ka shtënë me armë. “Prioriteti numër një … është t’i kthejmë të gjithë studentët tanë me prindërit e tyre. Një oficer dhe një zyrtar i shkollës po i çojnë studentët te prindërit e tyre, kështu që është një ribashkim i mirë i lumtur, pak emocion, por gjithçka tani është e sigurt,” tha Drew.

Të shtënat e së premtes me siguri do të ngjallin debat për kufizimin e aksesit publik ndaj armëve në SHBA, edhe pasi Kongresi miratoi një projekt-ligj vitin e kaluar që shtrëngoi kufizimet për aksesin në armë zjarri për disa njerëz që konsiderohen të rrezikuar nga ushtrimi i dhunës. Rastet e profilit të lartë të dhunës me armë në të gjithë SHBA-në vitin e kaluar përfshinin vrasjen e 10 personave në një dyqan ushqimesh në Buffalo, Nju Jork dhe 21 në një shkollë në Uvalde, Teksas.