23.5 C
Tiranë
Wednesday, August 13, 2025
spot_img

SHBA / Vdes në burg, mashtruesi më i madh i kohëve moderne

Bernard Madoff, ideatori i mashtrimit më të madh financiar në historinë e SHBA, që zhvati 65 miliardë dollarë nga dhjetëra mijëra klientë, ka vdekur sot në moshën 82-vjeçare, sipas Associated Press.

AP citon burime të paidentifikuar që thonë se Madoff vdiq nga shkaqe natyrore. Ai do të mbushte 83 vjeç më 29 prill.Madoff po vuante dënimin me 150 vjet burg në qendrën federale të kujdesit të burgjeve në Butner, North Carolina, ku po kurohej për një sëmundje terminale veshkash, siç e quajti avokati i tij.

Ai pranoi fajin më 2009 për një skemë financiare që sipas hetuesve ka nisur që në fillim të viteve 1970 dhe mashtroi 37 mijë persona në 136 vende gjatë katër dekadave, deri në momentin kur u kap, më 11 dhjetor 2008, spiunuar nga dy djemtë e tij. Viktimat e tij përfshinin investues të famshëm – si regjisori Steven Spielberg, aktori Kevin Bacon, ish-pronarin e New York Mets Fred Wilpon, fituesin e Çmimit Nobel për Paqen Elie Weisel — e të panjohur, si Burt Ross, i cili humbi 5 milion dollarë.

Në qershorin e kaluar, gjykata i mohoi kërkesën për lirim, duke thënë se Madoff kreu një nga krimet më të mëdha financiare të të gjitha kohërave dhe shumë njerëz ende po vuajnë.

Bernard Lawrence Madoff u lind në Queens, New York, më 29 prill 1938, bir i Sylvia dhe Ralph Madoff, një hidraulik që u bë stockbroker (person që blen e shet aksione në bursë për persona të tjerë).

Familja Madoff
opennews.al

Për më tepër se 50 vjet, Bernie Madoff ishte i njohur në Wall Street, menaxher i madh parash që themeloi firmën e tij në moshën 22 vjeç dhe u bë kryetar jo ekzekutiv i Nasdaq më 1990. Atij i njihet zhvillimi i disa sistemeve dhe strukturave të tregut që e lëvizën tregun e aksioneve përtej zonave të bursave dhe solli ngritjen e tregtisë moderne, elektronike.

Por jetë e tij u shemb më 2008, gjatë krizës financiare.

I mbytur nga kërkesat e klientëve për t’u kthyer paratë, Madoff nuk mund ta vazhdonte më tej mashtrimin. Më 10 dhjetor 2008, iu rrëfye djemve të tij, Mark dhe Andrew, se biznesi këshillues i investimeve ishte i gjithi gënjeshtër. Madoff shpresonte të fitonte pak kohë për të shpërndarë qindra miliona dollarë si shpërblime për punonjësit, dhe më pas ta mbyllte firmën. Por Mark dhe Andrew, të cilët ishin menaxherë të lartë në operacionin tregtar të firmës – që operonte më vete nga biznesi mashtrues këshillimor – nuk deshën të kishin të bënin me asgjë prej kësaj  dhe njoftuan autoritetet.

Një ditë më vonë, më 11 dhjetor 2008, FBI bastisi zyrat e tij në Lipstick Building në Third Avenue në Manhattan.

Më 12 mars 2009, Madoff pranoi fajin për 11 krime federale dhe pranoi se po operonte skemën më të madhe private piramidale në histori. Tre muaj më pas u dënua me dënimin maksimal: 150 vjet burg dhe dëmshpërblim prej 170 miliardë dollarësh.

Artikuj të Tjera

Komento

Ju lutemi shkruani komentin tuaj!
Ju lutem shkruani emrin tuaj këtu

POSTIMET E FUNDIT

Arrestohet nje person në Prizren me 4.44 kg kokainë, vlera arrin në 300 mijë...

0
Një person është arrestuar nga Policia e Kosovës në Prizren më 11 gusht, pasi gjatë kontrolleve në dy lokacione iu sekuestrua një sasi e...

Meteoriti i rrallë që goditi një shtëpi në SHBA është më i vjetër se...

0
Një meteorit që goditi një shtëpi në Shtetet e Bashkuara më 26 qershor dhe shpërtheu çatinë e saj është zbuluar të jetë më i...

Zjarret shkatërruese në Gramsh: Digjet Teqeja e Shemberdhenjës

0
Zjarret masive që kanë përfshirë zonat rurale të bashkisë Gramsh po shkaktojnë dëme të mëdha materiale dhe një kërcënim të madh për jetën e...

Trupi i 6-vjeçarit që u zhduk në plazhin pranë Venecias gjendet i pajetë

0
Një tragjedi goditi familjen Panizzo dhe pushuesit në plazhin Ca’ Pasquali, në Cavallino-Treporti pranë Venecias, ku trupi i vogëlushit Carlo Panizzo, 6 vjeç, i...

Tiranë, operacioni “Pako 6” godet trafikimin e drogës: Arrestohen dy të mitur për Cannabis...

0
Policia e Tiranës finalizoi me sukses operacionin e koduar “Pako 6”, duke arrestuar në flagrancë dy shtetas të mitur dhe shpallur në kërkim një...