Dy persona kanë mbetur të plagosur me thikë në zonën e Saukut në Tiranë pas një sherri mes katër personash. Ngjarja ka ndodhur pranë zyrave elektorale të LSI-së në këtë zonë.

Të plagosur kanë mbetur shtetasit Roland dhe Oltjan Doka, të moshave 23 dhe 25.

Plagosja ka ndodhur në orët e mesnatës. Policia ka shkuar në vendngjarje dhe ka sekuestruar kamerat e sigurisë në zonë, nga ku është evidentuar se autorët janë larguar me dy automjete të ndryshme, të tipit “Benz” dhe “Audi”.

Njoftimi i policisë

Më datë 17.04.2021, u referuan materialet në Prokurorinë pranë Gjykatës së Shkallës Parë Tiranë dhe punohet për kapjen e shtetasve të shpallur në kërkim E. S., 26 vjeç, A. M., 25 vjeç dhe S. K., 34 vjeç, pasi në rrugën “Selim Braja” në Sauk të Vjetër, janë konfliktuar për motive të dobëta me shtetasit K. D., 30 vjeç, E. D., 23 vjeç dhe R. D., 27 vjeç (vëllezër).