Një sherr mes dy shqiptarëve ka ndodhur mbrëmjen e djeshme në Greqi, në vendin e quajtur Limani i Lakës në ishullin Paxos.

Mësohet se pas sherrit mes tyre, një 51-vjeçar ka mbetur i plagosur me armë zjarri, identiteti i të cilit nuk dihet ende.

Fillimisht dy bashkatdhetarët kanë debatuar, më pas janë përleshur fizikisht derisa sherri ka degraduar në nxjerrjen e armës dhe plagosjes rëndë të 51-vjeçarit.

Ai i dërgua në spitalin e Igumenicës në gjendje të rëndë, ndërsa policia po kërkon në ishull për të arrestuar autorin e dyshuar.

Ai dyshohet se është i implikuar me vrasjen e Edmond Papës, i vrarë në muajin dhjetor 2022 në zonën e Selitës në Tiranë. Po ashtu, ai është akuzuar se ka vrarë dy persona në Belgjikë në vitin 2001.

Policia thotë se ngjarja mund të jetë larje hesapesh për borxhe të vjetra mes autorit dhe viktimës, ose edhe pista e hakmarrjes, pasi autori i plagosjes kishte shkuar nga Italia në Greqi posaçërisht për 51-vjeçarin.

Situata pritet të sqarohet nëse bëhet i mundur arrestimi i autorit ose pas dëshmisë së të plagosurit.