Një prodhim i ri teatror i “Otellos” nga William Shakespeare, me aktorët Denzel Washington dhe Jake Gyllenhaal, ka thyer rekordin javor të arkëtimeve të Broadway, raportuan mediat amerikane. Shfaqja, e cila debutoi zyrtarisht të dielën në mbrëmje në Nju Jork, ka gjeneruar rreth 2,8 milionë dollarë në vetëm tetë shfaqje paraprake javën e kaluar. Kjo ka tejkaluar rekordin e mëparshëm prej 2,7 milionë dollarësh, i vendosur nga shfaqja “Harry Potter dhe fëmija i mallkuar” në javën e fundit të 2023.
Çmimi mesatar i biletës për shfaqjen “Otello” ishte mbi 300 dollarë, me disa bileta që shiteshin deri në 900 dollarë. Në premierë morën pjesë disa emra të njohur si këngëtarja Jennifer Lopez, aktorja Jamie Lee Curtis, dhe ish-presidenti amerikan Joe Biden me gruan e tij, Jill.
Shfaqja është planifikuar të vazhdojë në Broadway deri në qershor.
