Një shtetas 33-vjeçar, i shpallur në kërkim nga autoritetet britanike, është arrestuar nga Policia e Shkodrës. Bëhet fjalë për Bruno Bushin, banues në fshatin Premal.

Sipas njoftimit të Policisë, gjykata e Shkallës së Parë e Juridiksionit të Përgjithshëm Shkodër i ka caktuar masën e sigurisë “Arrest në burg”, me qëllim ekstradimin në Mbretërinë e Bashkuar. Bushi kërkohet nga Gjykata e Magjistraturës në Westminster për shkelje të ligjit për lëndët narkotike, vepër e kryer në bashkëpunim.

Materialet procedurale i janë referuar Prokurorisë pranë Gjykatës së Shkallës së Parë Shkodër për veprime të mëtejshme.

Ky arrest vjen si rezultat i bashkëpunimit ndërkombëtar mes autoriteteve shqiptare dhe atyre britanike për ndjekjen e personave të shpallur në kërkim për krime të rënda.