Dy efektivë të policisë vendore të Shkodrës, Kristi Koçeku dhe Samet Qotaj, kanë realizuar një akt heroik duke shpëtuar një shtetas 75-vjeçar, i cili po tentonte të mbytej në ujërat e lumit Buna. Shtetasi i identifikuar si Bahri Gërbeti, kishte hedhur veten në ujërat e ftohta të lumit në një përpjekje për të kryer vetëvrasje.

Ngjarja ka ndodhur pasditen e djeshme, kur disa qytetarë të rastit kanë vërejtur veprimet e 75-vjeçarit dhe menjëherë kanë lajmëruar policinë për situatën e rrezikshme. Pas një reagimi të shpejtë, dy efektivët e policisë janë dërguar menjëherë në vendin e ngjarjes. Pasi kanë mbërritur, ata nuk kanë hezituar asnjë moment të hidhen në ujërat e ftohta të lumit për të shpëtuar jetën e 75-vjeçarit.

Pasi u nxor nga uji, Bahri Gërbeti ka deklaruar se kishte hedhur veten në lum për të mbytur, për shkak të disa problemeve personale që po përjetonte. Ky akt i dy efektivëve ka shpëtuar jetën e një personi dhe ka treguar gatishmërinë dhe profesionalizmin e forcave të policisë për të ndërhyrë në situata të tilla, ku vendimtar është shpëtimi i jetës së qytetarëve.