Një shpërthim me lëndë plasëse ka ndodhur gjatë natës së kaluar në Vlorë.

Policia njofton se ka shpërthyer një objekt në ndërtim, në lagjen “Uji i Ftohtë”, në të cilin ishin ndërprerë punimet prej vitesh.

Mësohet se objekti në ndërtim është në pronësi të shtetasit me inicialet D.K.

Policia raporton vetëm për dëme të vogla materiale si pasojë e shpërthimit me lëndë plasëse.

Vlorë/Informacion paraprak

Në lagjen “Uji i Ftohtë”, Vlorë, në një objekt në ndërtim por që prej vitesh janë ndërprerë punimet, në pronësi të shtetasit D. K., dyshohet se gjatë natës ka shpërthyer një sasi e vogël lëndë plasëse, ku si pasojë ka vetëm dëme të vogla materiale.

Në vendngjarje ndodhet grupi hetimor ku vijon veprimet për sqarimin e rrethanave të ngjarjes, identifikimin dhe kapjen e autorit.