Një shpërthim i dyshuar me tritol ka ndodhur mëngjesin e datës 27 mars në Lagunën e Patokut, duke shkaktuar dëme në një ambient rreth 50 metra larg një lokali. Ngjarja është raportuar nga shtetasi Z.T., i cili njoftoi menjëherë policinë.

Sipas informacioneve paraprake, lënda plasëse është vendosur tek disa banjo të jashtme, të cilat ndodheshin larg lokalit, dhe ende nuk është e qartë nëse bëhet fjalë për tritol apo një lëndë tjetër shpërthyese. Mostra nga vendngjarja janë dërguar për analizë në laboratorët e specializuar në Tiranë për të konfirmuar natyrën e substancës.

Autoritetet kanë nisur hetimet për të zbardhur shkaqet dhe rrethanat e shpërthimit, ndërkohë që policia ka forcuar praninë në zonë për të siguruar perimetrin dhe për të parandalua çdo incident të mundshëm. Hetuesit janë angazhuar për të identifikuar të dyshuarit dhe për të zbuluar motivet e mundshme të këtij akti të dhunshëm.