Një ngjarje e rëndë ka ndodhur në veri të Ukrainës, ku një person shpërtheu një pajisje plasëse në stacionin hekurudhor të Ovruçit, në rajonin e Zhitomirit, duke shkaktuar katër viktima, mes tyre edhe vetë autorin e shpërthimit.

Sipas rojeve kufitare ukrainase, incidenti ndodhi gjatë kontrollit të dokumenteve pranë një treni. Nga shpërthimi humbën jetën tre gra – një roje kufitare dhe dy civile.

“Shpërthimi u krye nga një burrë gjatë kontrollit të dokumenteve në zonën kufitare të stacionit”, thuhet në deklaratën zyrtare të autoriteteve.

Autori i dyshuar, një 23-vjeçar, u plagos rëndë dhe ndërroi jetë më pas në autoambulancë. Mediat ukrainase raportojnë se ai mund të ketë përdorur një granatë, megjithatë Ministria e Brendshme ende nuk ka konfirmuar llojin e saktë të pajisjes shpërthyese.

Zyrtarët shtojnë se i riu ishte arrestuar së fundmi për tentativë kalimi të paligjshëm të kufirit në pjesën perëndimore të vendit. Hetimet për ngjarjen tragjike vijojnë.