Një shpërthim i qëllimshëm në portën e banesës së gjyqtarit të Gjykatës së Shkallës së Parë të Juridiksionit të Përgjithshëm Shkodër, Tonin Sterkaj, ka shkaktuar dëme materiale, por fatmirësisht nuk ka shkaktuar të lënduar.

Ngjarja ka ndodhur në lagjen “Tom Kola” të Shkodrës rreth orës 03:13 të mëngjesit të 28 prillit 2024. Autoritetet policore janë duke punuar për të zbardhur shkaqet dhe identitetin e autorit të shpërthimit.

Kamerat e sigurisë të banesës së gjyqtarit Sterkaj kanë regjistruar imazhe të autorit të veshur me rroba të errëta dhe maskë, duke vënë sasinë e lëndës plasëse në portën e banesës dhe larguar pas kësaj në mënyrë të shpejtë.

Gjyqtari Sterkaj është pyetur nga autoritetet, por nuk ka dhënë informacion mbi identitetin e autorit. Pista kryesore e hetimit është lidhur me detyrën e tij si gjyqtar.

Këshilli i Lartë Gjyqësor, ministri i Drejtësisë dhe ministri i Brendshëm janë shprehur për dënimin e ngjarjes dhe kanë kërkuar zbulimin e autorëve. KLGJ pritet të mblidhet për të vendosur për marrjen në mbrotje të gjyqtarit.