Dyer, dritare, dhe orendi përtokë – këto janë pamjet e një banese të shkatërruar pas shpërthimit të fuqishëm që tronditi Lushnjen pasditen e sotme. Ngjarja ka ndodhur rreth orës 16:05 në vendin e quajtur “Rrethrrotullimi i Plasmasit” në një kapanon në punim e sipër.

Pak minuta pas shpërthimit, vinçieri Landi Verçani (Hoxha) ka humbur jetën, ndërsa djali i tij 20-vjeçar, Elidon Hoxha, gjithashtu është ndërmarrë nga jeta. Shpërthimi i fuqishëm është shkaktuar pasi telat e tensionit të lartë janë këputur aksidentalisht nga një vinç dhe kanë rënë mbi depozitat e gazit, të cilat furnizonin disa biznese.

Të plagosur kanë mbetur 7 persona të tjerë, mes tyre deputeti socialist Bujar Çela dhe nënkryetari i Bashkisë Elton Korreshi. Dy prej të plagosurve ndodhen në gjendje të rëndë. Pamjet e banesës të shkatërruar tregojnë dëmet e shumta materiale, ndërsa zonat e afërta janë prekur gjithashtu nga shpërthimi.